Cwmni sy'n gyfyngedig drwy warant ydy Cwmni Acen Cyf. Mae gan Acen, a sefydlwyd ym 1989 ac a ymgorfforwyd ym 1990, statws elusennol.

Nod Acen yw hyrwyddo Cymru a'r Gymraeg ac, o'r cychwyn cyntaf, buon ni'n rhoi sylw arbennig i ddysgwyr yr iaith - gartref, yn y gymuned ac yn y gwaith.

Dros y blynyddoedd mae Acen wedi datblygu a meithrin perthynas â chwmnïau, busnesau ac asiantaethau ar draws Cymru, â chyrff a sefydliadau addysg, a hefyd â maes y cyfryngau gan gynnwys S4C.

Drwy ei amryfal wasanaethau, mae Acen yn

• darparu hyfforddiant Cymraeg yn y gweithle ledled Cymru
• darparu gwasanaeth isdeitlau Cymraeg ar gyfer S4C
• darparu gwefan dysgwyr S4C
• darparu canolfan iaith ac adnoddau ar-lein
• rhedeg tudalen i gefnogwyr ar Facebook
• cyhoeddi cylchgrawn acen mewn print ar gyfer dysgwyr
• cyhoeddi adnoddau print ac aml-gyfrwng