Cafodd David ei eni yn Trelew, Chubut yn 1966. Aeth i'r ysgol yn Trelew tan oedd e'n 17 oed ac yna aeth i'r brifysgol yn Buenos Aires i ddysgu bod yn ddoctor. Bu'n gweithio fel meddyg yn Buenos Aires o 1991 tan 2000.

Yn 1992 teithiodd o gwmpas Ewrop ac aeth i Gymru am 10 diwrnod i ymchwilio i hanes ei deulu. Ar 4 Awst 2000 priododd Carina Alejandra Medina yn Buenos Aires cyn dod adref i Trelew i weithio fel meddyg teulu mewn ardal dlawd o'r ddinas. Cafodd ei fab, Eric Thomas, ei eni yn 2001.

Ar ochr ei dad, mae David yn perthyn i Gymry ddaeth i Ariannin ar y "Mimosa" yn 1865 - o ardal Cefn Cribwr, Troed y Rhiw a Dolwyddelan. Sgrifennodd ei daid, Egrun Williams, lyfr yn Gymraeg a Sbaeneg am Patagonia. Yn 1980, pan fu farw Egrun Williams, dechreuodd David gymryd diddordeb yn ei dras Gymreig.

Yn 2001 dechreuodd e ddysgu Cymraeg mewn dosbarth nos yng Nghanolfan Dewi Sant, Trelew ac ym mis Rhagfyr 2001 cymerodd yr her i ddysgu'r iaith ar y rhaglen deledu Welsh in a Week. Mae David yn gobeithio y bydd dysgu Cymraeg yn help iddo ddysgu mwy am hanes ei deulu a'r Cymry ddaeth i Patagonia.