Y Llythyr
Dw i'n 16 oed a dw i'n meddwl fod Zoë Ball yn grêt. Baswn i wrth
fy modd yn edrych fel hi, ond y broblem ydy fy mod i'n fyr ac yn pwyso gormod.
Dw i wedi trio colli pwysau trwy fynd ar ddeiet ac ymarfer corff, ond dw i o
hyd yn dew.
Dw i'n teimlo mor anhapus ac isel achos mae fy ffrindiau i gyd mor denau. Pan
dw i'n mynd i barti mae pawb yn cael hwyl ond dw i'n eistedd ar fy mhen fy hun
mewn cornel.
Bob tro dw i'n teimlo'n anhapus dw i'n bwyta mwy i deimlo'n well. Ond ar ôl
bwyta, dw i'n teimlo'n waeth eto.
Help! Dw i eisiau colli pwysau a theimlo'n well amdana i fy hun.
Ateb Kate
Rwyt ti'n swnio'n isel iawn i mi. Dyna beth sy'n digwydd os wyt ti'n cymharu
(compare) dy hun â merched
eraill.
Paid â trio bod fel sêr y teledu neu fodelau mewn cylchgronau neu
ffrindiau tenau. Beth sy'n bwysig ydy gwneud y gorau o dy bwyntiau da ti dy
hun.
Mae'n bwysig hefyd deall pa siap ydy dy gorff di a gwybod beth sy'n mynd i weithio
i ti a beth sy ddim.
Ceisia wneud ychydig o ymarfer. Mae ymarfer yn gwneud i ti edrych yn well a
theimlo'n well hefyd.
Paid â mynd i bartïon nes byddi di'n teimlo'n well amdanat ti dy
hun.
A chofia, rwyt ti yn berson arbennig iawn. Mae bywyd yn rhy fyr ac mae'n bwysig
mwynhau pob munud ohono!
